ಉದಯ ವಾಹಿನಿ Udaya Vahini News
ವರದಿ ಎನ್ ಶಾಮೀದ್ ತಾವರಗೇರಾ
ಕಾರಟಗಿ:- ಪಟ್ಟಣದ ನಾಗನಕಲ್ಲ ಹತ್ತಿರ ಎರಡು ದಿನಗಳ ಹಿಂದೆ ಬೈಕ್ ಮೇಲಿಂದ ಬಿದ್ದು ವ್ಯಕ್ತಿಯೊಬ್ಬ ಮೃತ ಪಟ್ಟಿದ್ದಾನೆಂಬ ಪ್ರಕರಣಕ್ಕೆ ಸಂಬಂಧಿಸಿದಂತೆ ಇದು ಅಪಘಾತ ದಿಂದಾದ ಸಾವಲ್ಲ ಕೊಲೆಯಾಗಿದೆ ಎಂದು ಪ್ರಕರಣ ಬೆಳಕಿಗೆ ಬಂದಿದೆ.
ಕೊಲೆ ಮಾಡಿದ ಆರೋಪಿ ಗುಡೂರಿನ ಗೌಡಪ್ಪ ಅಲಿಯಾಸ್ ಗರುಡಪ್ಪ ಎಂದು ಗುರುತಿಸಲಾಗಿದೆ.
ಕೊಲೆಯಾದ ವ್ಯಕ್ತಿಯನ್ನು ಕಾರಟಗಿಯ ನಜೀರಸಾಬ ಕಾಲೋನಿಯ ನಿವಾಸಿ ರಾಘವೇಂದ್ರ ರೆಡ್ಡಿ ಎನ್ನಲಾಗಿದೆ, ರಾಘವೇಂದ್ರ ರೆಡ್ಡಿ ಹಾಗೂ ಕೊಲೆಗಾರ ಗರುಡಪ್ಪನ ತಾಯಿಯೊಂದಿಗಿನ ಅನೈತಿಕ ಸಂಬಂಧವೇ ಕೊಲೆಗೆ ಕಾರಣವೆಂದು ತಿಳಿದುಬಂದಿದೆ.
ಜುಲೈ 31 ರಾತ್ರಿ 10.30 ಕ್ಕೆ ಕಾರಟಗಿಯಿಂದ ಗೂಡುರ ಗೆ ತೆರಳುತ್ತಿದ್ದ, ನಾಗನಕಲ್ಲ ಹತ್ತಿರ ರಾಘವೇಂದ್ರ ರೆಡ್ಡಿಯನ್ನು ಆರೋಪಿ ಗರುಡಪ್ಪ ತನ್ನ ಸ್ನೇಹಿತರೊಂದಿಗೆ ಸೇರಿ ಕಟ್ಟಿಗೆ ಇಂದ ಥಳಿಸಿ ಕೊಲೆ ಮಾಡಿದ್ದಾನೆ ನಂತರ ಇದೊಂದು ಬೈಕ್ ಅಪಘಾತದಿಂದ ಮೃತ ಪಟ್ಟಿರಬಹುದೆಂದು ಎಲ್ಲರು ಭಾವಿಸಿದ್ದರು, ಆದರೆಯ ರೆಡ್ಡಿಯ ತಾಯಿ ಅನುಮಾನ ಗೊಂಡು ಪೊಲೀಸರಿಗೆ ನನ್ನ ಮಗನ ಕೊಲೆ ಆಗಿರಬಹುದೆಂದು ದೂರು ನೀಡಿದ್ದಾಳೆ , ಇದನ್ನು ಬೆನ್ನತ್ತಿದ ಪೊಲೀಸರು, ಕಾರಟಗಿ ಪಿಐ ಸಿದ್ರಾಮಯ್ಯ ಹಾಗೂ ಅವರ ಸಿಬ್ಬಂದಿ ವರ್ಗದವರು ಪ್ರಕರಣ ವನ್ನು ಬೇಧಿಸಿದಾಗ ಸತ್ಯ ಹೊರಬಿದ್ದಿದ್ದು ಆರೋಪಿಯು ತನ್ನ ತಾಯಿಯೊಂದಿಗೆ ಅನೈತಿಕ ಸಂಬಂಧ ಹೊಂದಿದ್ದರಿಂದಾಗಿ , ರೆಡ್ಡಿಯನ್ನು ಕೊಲೆ ಮಾಡಿರುವುದಾಗಿ ಒಪ್ಪಿಕೊಂಡಿದ್ದಾನೆ ಈ ಕುರಿತು ಠಾಣೆಯಲ್ಲಿ ಪ್ರಕರಣ ದಾಖಲಿಸಿಕೊಂಡಿದ್ದಾರೆ.
