ಉದಯ ವಾಹಿನಿ Udaya Vahini News
ವರದಿ ಎನ್ ಶಾಮೀದ್ ತಾವರಗೇರಾ
ಕುಷ್ಟಗಿ: ಭುದುವಾರದಂದು ಕಾಂಗ್ರೆಸ್ ಪಕ್ಷದ ಅಭ್ಯರ್ಥಿಯ ನಾಮಪತ್ರ ಸಲ್ಲಿಸುವ ಕಾರ್ಯಕ್ರಮಕ್ಕೆ ಜನರಿಗೆ ಹಣ ಹಂಚುತ್ತಿರುವುದು ಕಂಡು ಬಂದ ಹಿನ್ನೆಲೆಯಲ್ಲಿ ಇಬ್ಬರ ವಿರುದ್ದ ಚುನಾವಣಾ ಮಾದರಿ ನೀತಿ ಸಂಹಿತೆ ಉಲ್ಲಂಘನೆ ಆಗಿರುವುದರಿಂದ ಇಬ್ಬರ ವಿರುದ್ದ ಪ್ರಕರಣ ದಾಖಲಾಗಿದೆ.
ನಾಮಪತ್ರ ಸಲ್ಲಿಸುವ ಕಾರ್ಯಕ್ರಮಕ್ಕೆ ಗರ್ಜಿನಾಳ ಗ್ರಾಮದಿಂದ ವಾಹನ ಸಂಖ್ಯೆ KA 37 B 5373 ವಾಹನದಲ್ಲಿ ಬಂದಿದ್ದ ಜನರಿಗೆ ಅಭ್ಯರ್ಥಿ ಪರವಾಗಿ ಹನುಮಪ್ಪ ಶೇಖರಗೌಡ ಪೊಲೀಸ್ ಪಾಟೀಲ್ ಪಟ್ಟಣದ ಎನ್ ಎಚ್ 50 ಫ್ಲೈ ಓವರ ಬ್ರಿಡ್ಜ್ ಕೆಳಗಡೆ ಹಣ ಹಂಚುತ್ತಿರುವುದು ಕಂಡು ಬಂದ ಹಿನ್ನಲೆಯಲ್ಲಿ ಕುಷ್ಟಗಿ ವಿಧಾನ ಸಭಾ ಕ್ಷೇತ್ರ 60 ರ ಪ್ಲೇಯಿಂಗ್ ಸ್ಕ್ವಾಡ್ ಅಧಿಕಾರಿಗಳು ಸದರಿ ವ್ಯಕ್ತಿಯ ಮೇಲೆ ಹಾಗೂ ವಾಹನ ಚಾಲಕ ಕಂ ಮಾಲಕ ಸಿದ್ದಪ್ಪ ಹರಿಜನ ಎಂಬ ಇಬ್ಬರ ಮೇಲೆ ಗುನ್ನೆ ನಂ :-86/2023 ಕಲಂ 171(ಇ) ಐ.ಪಿ.ಸಿ ಅಡಿಯಲ್ಲಿ ಪ್ರಕರಣ ದಾಖಲಿಸಿಕೊಂಡಿದ್ದಾರೆ.
