ಉದಯ ವಾಹಿನಿ Udaya Vahini News
ವರದಿ ಎನ್ ಶಾಮೀದ್ ತಾವರಗೇರಾ
ತಾವರಗೇರಾ: ಪಟ್ಟಣದ ಸಮುದಾಯ ಆರೋಗ್ಯ ಕೇಂದ್ರದ ಸಮೀಪದಲ್ಲಿ ರೈತರು ಹಾಕಿದ ಬಣಿವೆಗಳಿಗೆ ಬೆಂಕಿ ತಗುಲಿ 5 ಬಣಿವೆಗಳು ಸುಟ್ಟು ಹೋದ ಘಟನೆ ಜರುಗಿದೆ. ರೈತರಿಗೆ ಅಪಾರ ನಷ್ಟ ಸಂಭವಿಸಿದ ಘಟನೆ ನಡೆದಿದೆ.
ಪಟ್ಟಣದ ರೈತರಾದ ಶೇಖಪ್ಪ ಬಾಲಪ್ಪ ಹೊಸಮನಿ ಅವರಿಗೆ ಸೇರಿದ 3 ಬಣಿವೆಗಳು ಹಾಗೂ ಶಿವಪ್ಪ ಮುದುಕಪ್ಪ ಡಂಕನಕಲ್ ಎಂಬುವವರಿಗೆ ಸೇರಿದ 2 ಬಣಿವೆಗಳು ಸುಟ್ಟು ಹೋಗಿವೆ.
ದನ- ಕರುಗಳಿಗೆ ಸಂಗ್ರಹಿಸಿಡಲಾಗಿದ್ದ ಶೆಂಗಾ, ಜೋಳದ ಹೊಟ್ಟು 5 ಬಣಿವೆಗಳು ಬೆಂಕಿಗಾಹುತಿ ಹೊಂದಿದ್ದು ವಿಷಯ ತಿಳಿಯುತ್ತಿದ್ದಂತೆ ಕೆಲ ಯುವಕರು ಬೆಂಕಿ ಆರಿಸಲು ಪ್ರಯತ್ನ ಪಟ್ಟರು ಕೂಡ ಸಾಧ್ಯವಾಗದೇ ರೈತರು ನಷ್ಟ ಅನಯಭವಿಸಿದ್ದು ಸರ್ಕಾರದಿಂದ ಪರಿಹಾರ ನೀಡುವಂತೆ ಆಗ್ರಹಿಸಿದ್ದಾರೆ ನಂತರ ಅಗ್ನಿ ಶಾಮಕ ದಳ ಸ್ಥಳಕ್ಕೆ ಆಗಮಿಸಿ ಬೆಂಕಿ ನಂದಿಸುವಲ್ಲಿ ಯಶಸ್ವಿಯಾದರು.
