ಉದಯ ವಾಹಿನಿ Udaya Vahini News
ವರದಿ ಎನ್ ಶಾಮೀದ್ ತಾವರಗೇರಾ
ಕುಷ್ಟಗಿ : ತಾಲೂಕಿನ ಗುಮಗೇರಾ ಗ್ರಾಮದಲ್ಲಿ ನಡೆಯಲಿರುವ ತಾಲೂಕ ಮಟ್ಟದ ಕನ್ನಡ ಸಾಹಿತ್ಯ ಸಮ್ಮೇಳನದ ಅಧ್ಯಕ್ಷರಾಗಿ ಆಯ್ಕೆಯಾದ ಪಟ್ಟಣದ ಹಿರಿಯ ಸಾಹಿತಿ, ನಿವೃತ್ತ ಬ್ಯಾಂಕ್ ಅಧಿಕಾರಿ ಶೇಖರಗೌಡ ಸರನಾಡಗೌಡರ್ ಅವರನ್ನು ತಾಲೂಕ ಕನ್ನಡ ಸಾಹಿತ್ಯ ಪರಿಷತ್ ವತಿಯಿಂದ ಬುಧುವಾರದಂದು ಅಧಿಕೃತವಾಗಿ ಆಮಂತ್ರಣ ನೀಡಲಾಯಿತು. ಪಟ್ಟಣದ ಸರನಾಡಗೌಡರ್ ನಿವಾಸಕ್ಕೆ ಭೇಟಿ ನೀಡಿದ ಕಸಾಪ ಪ್ರತಿನಿಧಿಗಳು, ಶೇಖರಗೌಡ ಸರನಾಡಗೌಡರ ಹಾಗೂ ಅವರ ಕುಟುಂಬಕ್ಕೆ ಸಮ್ಮೇಳನದ ಆಹ್ವಾನ ಪತ್ರಿಕೆ ನೀಡಿದರು.
ಈ ಸಂದರ್ಭದಲ್ಲಿ ಸಾಹಿತಿಗಳಾದ ಡಾ.ಶರಣಪ್ಪ ನಿಡಶೇಶಿ, ಹ.ಯ ಈಟಿಯವರ್, ತಾಜುದ್ದೀನ್ ದಳಪತಿ, ಕಸಾಪ ಜಿಲ್ಲಾ ಘಟಕದ ಅಧ್ಯಕ್ಷ ರಾಜಶೇಖರ ಅಂಗಡಿ, ಗೌರವ ಕಾರ್ಯದರ್ಶಿ ದವೀಂದ್ರ ಬಾಕಳೆ, ಜಿಲ್ಲಾ ಸಂಚಾಲಕ ನಟರಾಜ ಸೋನಾರ, ತಾಲೂಕಾಧ್ಯಕ್ಷ ಉಮೇಶ ಹಿರೇಮಠ, ಪದಾಧಿಕಾರಿಗಳಾದ ವೀರೆಶ ಬಂಗಾರಶೆಟ್ಟರ್, ತಾವರಗೇರಾ ಹೋಬಳಿ ಘಟಕದ ಅಧ್ಯಕ್ಷ ಅಮರೇಶ, ಆರ್,ಕೆ ಸುಭೇದಾರ ಹಾಗೂ ಸಾಹಿತಿ ಸರನಾಡಗೌಡರ ಕುಟುಂಬ ಸದಸ್ಯರು ಸೇರಿದಂತೆ ತಾವರಗೇರಾ ಕಸಾಪ ಸದಸ್ಯರು ಉಪಸ್ಥಿತರಿದ್ದರು.
